Ukrayna Təhlükəsizlik Xidməti (UTX) avqustun 16-da ekstradisiya zamanı qaçan israilli narkobaron Amos Dov Silveri həbs edib.

Xidmətin saytına istinadla xəbər veririk ki, israilli narkobaron təxirəsalınmaz əməliyyat-axtarış tədbirləri nəticəsində saxlanılıb. Onun qaçmasında əli olan UTX-nin üç əməkdaşı da həbs edilib.

İsrailli narkobaronun ölkəsinə ekstrasiyası üçün proses davam etdirilir.

Qeyd edək ki, Amos Dov Silver avqustun 16-da Borispol beynəlxalq hava limanında ekstradisiya edilən zaman qaçmışdı.